MAN Камиони Македонија
Голема способност за маневрирање при секоја примена: Максимална способност за маневрирање при секоја примена - Максималниот товар и големиот капацитет на товарање заедно со ниската потрошувачка на гориво го прават MAN TGL вистински мултиталент кој има клучна улога во комуналната примена и градежниот сектор, па дури и во класичниот дистрибутивен сообраќај. Без оглед на Вашите потреби, нашиот MAN TGL може прецизно да се конфигурира за да ги исполни Вашите специфични потреби.
Неговото кратко растојание на осовините овозможува MAN TGL да има голема способност за маневрирање. Карактеристика која доаѓа до израз кога се користи на градилишта со ограничен простор, како и низ густиот градски сообраќај. И благодарение на иновативната екстралесна серија на мотори D08, сега можете да заштедите и до 5 % гориво. Дел од ова се должи и на аеродинамичниот дизајн и малиот број на компоненти што овозможува далеку полесно сервисирање. Уживајте во најдобрата динамика при возење со нашиот MAN TGL.
118–162kW
Постигнете повеќе со помалку: новата генерација на мотори MAN D08. Оваа генерација Ви нуди повеќе КС и поголем вртежен момент, без оглед на намалувањето во потрошувачката на гориво од 5 %. Тајната е во: намалување до единствено најважните елементи. Моторот е полесен, помалку комплексен, а според тоа е полесен за сервирање благодарение на поедноставните системи за прочистување на издувните гасови и за разладување. Дополнителна работа: новата генерација на мотори може исто така да работи и со биодизел кој ја заштитува животната средина и со тоа правејќи ги овие мотори почисти на патиштата. Користењето на составни делови со намалена тежина, како на пример садот за масло направен од цврста пластика, дополнително го зголемува капацитетот за товарање на MAN TGL. Ние вложивме многу во нашите нови MAN D08 мотори за да осигуриме дека Вие нема да морате ништо да вложите.
184kW
Голема моќност, поедноставена конструкција: новата аеродинамична генерација со 6 цилиндри на D08 моторот од MAN крие до 250 КС (MAN TGL) под својата хауба. Својот иновативен мотор и концептот за прочистување на издувните гасови осигурува максимална моќност, повисоко ниво на економичност и најдобри возможни перформанси. Сега можете да транспортирате повеќе со нашиот MAN TGL, благодарение на малата тежина која ја нуди самиот камион - а со тоа секако и намалената тежина на моторот овозможува помала потрошувачка на гориво. Кога е во константна употреба, D08 моторот од MAN со намалениот број на компоненти работи без никакви прекинувања, а тоа значи дека нема да треба да поминете повеќе време од тоа што е потребно за одржување. Ефикасен, со високи перформанси и особено лесен за сервисирање - Новата генерација на D08 мотори од MAN.
Највисоките нивоа на удобност при возење и ефективното намалување на трошоците ги спојува нашиот MAN TipMatic® менувач, кој е достапен како дополнителна опција. SpeedShifting функцијата на менувачот во верзија со 12 степени на пренос Ви овозможува брзо менување помеѓу трите највисоки степени на пренос, така што Вашиот MAN TGL со значително поголема економичност ќе може да се справи со стрмните искачувања. Интелигентниот систем на менувач со својата функција за слободно лулање спречува лизгање на гумите, така што и во најтешките ситуации ќе можете набрзина и со голема леснотија повторно да започнете со возење. Исто така можете да му дозволите на MAN TGL „слободно“ да се движи благодарение на Idle Speed Driving функцијата на менувачот притоа овозможувајќи Ви релаксирано возачко искуство, дури и при сообраќај кој бавно се движи.
Интуитивен прекинувач и работен концепт, дигитални логистички решенија и многу осмислени детали. MAN TGL е идеално опремен за Вашата иднина.
Елегантен дизајн, лесна конструкција и шасија со кои се е возможно. MAN TGL тежи многу малку, но може да направи многу – И ќе изгледа многу добро додека го прави тоа.
Удобност, простор и многу можности. Без разлика за која и верзија да се одлучите - Нашите кабини секогаш ќе бидат подготвени за Вашето патување.
Сè во еден поглед, сè на дофат – И сè на право место: Совршената поставка Ве чека позади воланот на MAN TGL, придружен со најмодерната достапна технологија ставена на располагање на Вашиот бизнис. И бидејќи за добрата работа е потребна и добра релаксација, ние исто така го оптимизиравме и одделот за одмор.
Бидејќи не секогаш станува збор за тоа што е внатре: аеродинамичниот дизајн, како и добро осмислената надворешност значително придонесуваат кон економичноста, притоа помагајќи Ви да добиете повеќе од Вашиот камион.
Лесно можете да ја забележите моќта и економичноста на нашиот MAN TGL. Неговиот впечатлив профил и непогрешливата предница осигуруваат дека ќе бидете забележани, без разлика дали се наоѓате во урбаната џунгла или на градилиште.
Го совладува секој предизвик со голема леснотија: Со своите 5.730 kg, нашиот MAN TGL е еден од најлесните камиони на пазарот. Со својата предност од околу 400 kg во однос на товарањето, лесно може да се пресмета дека на годишно ниво Ви придонесува со уште 4.000 евра. А, со тоа овој камион е вистински „тешкаш“ кога станува збор за заштеда на трошоци.
Не само што лесно маневрира, туку и лесно се конфигурира: Дизајнот на рамка на MAN TGL кој е лесен за надградба Ви овозможува брзо и лесно конструирање или менување на моделот на камионот со цел возилото да биде прецизно конфигурирано за предвидената употреба.
Заради ниското ниво на рамка, MAN TGL камионите имаат особено ниско ниво на товарање, што ги прави идеални за користење во дистрибутивниот сообраќај. Бидејќи многу лесно се товара и растовара, сега можете да завршите далеку поголема работа во текот на еден работен ден.
Задоволство при секое влегување и излегување: нискиот влез, вратата со широко отворање и удобниот пристап до страната на совозачот, не само што Ви помагаат при товарањето и растоварањето, туку Ви помагаат да се релаксирате во текот на Вашите паузи за одмор.
Заедно сме посилни: двојната кабина има простор да смести до седум луѓе кои ќе понудат 14 раце за помош и со тоа нудејќи Ви го најголемиот волумен на внатрешен простор во својата класа. Идеален за занаетчиски работилници или комунална примена.
Со оваа кабина и камионот со голем степен на маневрирање со сигурност ќе ја добиете вредноста за Вашите пари: совршените карактеристики за маневрирање се осигурени благодарени ена малата надворешна ширина на L кабината, - Дури и тогаш кога просторот е ограничен. И удобниот кревет кој стандардно доаѓа со нашите кабини секогаш ќе биде тука кога ќе Ви биде потребен одмор по некоја тешка работа.
Работно место на кое се чувствувате добро: висококвалитетниот кревет со летвички и душек составен од повеќе ладни зони на пена претставува место од соништата за одмор откако ќе заврши работниот ден. Додека пак разновидните оддели за складирање осигуруваат квалитетен престој дури и при подолги патувања. Нашата LX кабина - Влези, започни, чувствувај се одлично.
MAN TGL со својот најнов систем за безбедност и помош секогаш ќе биде со Вас во најкритичните ситуации за да осигури дека ќе бидете безбедни од почетокот, до крајот на Вашата цел.
Ние сакаме максимално да ги искористиме нашите системи, затоа секоја капка гориво е важна. Затоа, на располагање Ви стојат многуте решенија за економичност на возачот кои оптимално се надополнуваат и совршено се координираат помеѓу себе.
Нашите системи за безбедност и помош навремено Ве предупредуваат за опасните ситуации, овозможувајќи Ви доволно време за да останете безбедни. Вашата безбедност е важна за нас, и затоа не само на камионите им е потребна дополнителна стабилност кога работат под максимално оптоварување. Секаде пристигнувајте безбедно со нашите системи за безбедност и помош од MAN.
Ви помагаме да ја зголемите Вашата добивка и да ги намалите Вашите трошоци: иновативнииот систем за економичност на возач од MAN. Темпоматот MAN EfficientCruise® управуван со помош на GPS сега Ви заштедува до 6 % гориво и Ви помага проактивно да го контролирате Вашето возило.
Нашиот електронски менувач, MAN TipMatic®, може да Ви заштеди уште дополнителни 9 %. Со користење на различни индикатори, овој менувач ја пресметува оптималната стратегија за менување степен на пренос, а потоа ја зачувува и ја повикува пак во иднина при слични ситуации на возење.
Забавувајте се со нашите интелигентни системи за економичност на возач.
Контактирајте нè! Дополнителни детали можете да најдете во нашите различни информативни материјали.
