MAN Камиони Македонија
Штедлив до последната капка: Благодарение на дополнителниот развој на погонската група, стандардните системи за ефикасност на возач, како и оптимизираната моторизација во однос на потрошувачката, сега со помош на MAN TGX EfficientLine 3 можете уште повеќе да ги намалите Вашите оперативни трошоци.
Ние знаеме дека потрошувачката на гориво сочинува една третина од Вашите вкупни трошоци. Затоа нашиот херој во однос на заштедата користи и до 6,35 % помалку гориво за разлика од својот претходник.
Дополнителна заштеда на гориво може да се постигне со нашата ефикасна програма за менување степени на пренос со која се намалува бројот на вртежи на моторот. Меѓународните тестови за споредба исто така потврдуваат дека со нашиот MAN TGX EfficientLine 3 нема потреба веќе да се грижите за Вашите идни трошоци. Вашата конкуренција нема никогаш повеќе да Ве достигне кога ќе станува збор за трошоците и слободно можете да ја очекувате Вашата добивка овозможена од економичноста на нашиот камион кој е насочен единствено кон максимизирање на Вашата добивка. За ефикасност која ќе ја подобри Вашата вкупна добивка во транспортот на големи растојанија.
309-367kW
Мотор погоден за шампион во заштедата на гориво: високи перформанси, но и економичен во исто време. D26 серијата на мотори од MAN за MAN TGX EfficientLine 3 е достапна во три различни големини на мотор, и тоа со сила до 500 КС, а додека пак најразличните иновации можат да Ви заштедат и до 2 литри гориво. Животната средина исто така ќе Ви биде благодарна: оптимизирана потрошувачка, модерен филтер за дизел честички, како и иновативниот систем за повратно водење на издувни гасови осигуруваат дека нивоата на емисија никогаш нема да бидат високи. Секако, Common Rail дизел моторите со шест цилиндри се во согласност со сите Euro 6 стандарди овозможувајќи Ви ефикасна и чиста добивка.
Благодарение на нашиот автоматизиран рачен менувач MAN TipMatic®, лесно можете да заштедите кога станува збор за Вашите трошоци. Истиот автоматски го препознава товарот во Вашето возило и условите на патот и врши оптимизација на стратегијата за менување степен на пренос. Нашата верзија за заштеда FLEET е на понуда за големи возни паркови каде возачите многу често се менуваат. Истиот ги ограничува рачните интервенции и со тоа се избегнува погрешно работење. Ваши придобивки: намалување на абењето, заштитена погонска група и намалена потрошувачка на гориво.
Со интелигентното управување за погонските групи, како и опционално достапната ефикасна програма за менување степени на пренос, потрошувачката на гориво може дополнително да се намали: Паметното намалување на просечниот број вртежи на моторот во комбинација со зголемениот однос на возење при поголеми брзини и помали степени на пренос, дополнително ја намалува потрошувачката на гориво со одржување на речиси постојана просечна брзина.
Со MAN TipMatic® и паметната програма за менување степени на пренос, MAN TGX EfficientLine 3 навистина се истакнува.
Нашиот MAN EfficientCruise® темпомат со интегриран MAN EfficientRoll навистина Ви олеснува да заштедите гориво.
Благодарение на нашиот аеродинамичен аеро-пакет, MAN TGX EfficientLine 3 сега навистина е аеродинамичен.
Ниту еден грам повеќе отколку што треба – Благодарение на најлесните материјали и елиминирањето на непотребната баластна тежина.
Со нашите темпомати MAN EfficientCruise® управувани со помош на GPS можете да заштедите и до 6 % од Вашата потрошувачка на гориво. Истиот проактивно го анализира тековното оптоварување и очекуваната топографија на патот и автоматски одлучува за примена на совршената брзина на возење. На овој начин, функцијата MAN EfficientRoll дозволува оптимизирање на инерцијата за варијабилните патишта во однос на топографијата, притоа заштедувајќи уште повеќе гориво.
Пркосете му на ветрот: можете да заштедите и до 5 % гориво со аеро-пакетот од MAN. Спојлери на покривот, странични панели и странични клапни кои уште повеќе го намалуваат отпорот од воздухот за време на патувањата. Слободниот простор помеѓу кабината и конструкцијата е сега скоро целата затворена благодарение на овие дополнителни панелни елементи. Резултат: ефективен и аеродинамичен проток околу целото возило.
Вашата секојдневна работа ќе биде многу полесна со нас: Успеавме да дополнително да го подобриме MAN TGX EfficientLine 3 со користење на најлесните материјали без притоа да ја загрозиме стабилноста. Без разлика дали станува збор за алуминиумска конструкција или лесна пластика, со нас никога повеќе нема да имате преголема тежина. Исто така можете да заштедите дополнителна тежина бидејќи повеќе не е потребна резервна гума, а тоа означува дека сега можете да натоварите дополнителни 500 kg.
Стандардната опрема за ефикасност која доаѓа заедно со нашето чудо за заштеда, е исто така достапна и за сите други TGX модели, како и за MAN TGS*. Единствено изберете еден од четирите EfficientLine 3 пакети. Ние Ви нудиме идеално решение за секој предизвик, и тоа преку намалување на загубите од абење и отпор на воздухот, подобрување на помошната моќност или осигурување на помала празна тежина, и тоа индивидуално или според Вашите желби. Индивидуално, според Вашите желби. Разгледајте ги четирите опции за EfficientLine 3 пакети овде:
*Пакетите EfficientLine 3 -се достапни единствено за MAN TGX и MAN TGS со новите мотори на MAN во Euro 6c
**Резервоарот за компресиран воздух од алуминиум не може да се комбинира со менувачите MAN TipMatic 12+2 или со компактните кутии за акумулатори
Контактирајте нè! Дополнителни детали можете да најдете во нашите различни информативни материјали.
Шпанското специјализирано списание „transporte mundial“ изврши тестирање. Во ригорозни тестирања беа вклучени три модели на возила од три произведувачи: MAN TGX EfficientLine 3, Volvo FH-500 и Scania S500. Прашањето е: кој модел ќе добие најдобри резултати во однос на заштедата за гориво? Резултат: MAN TGX EfficientLine 3 значително води кога станува збор за штедењето на гориво.
Веќе можевте да погодите: MAN TGX EfficientLine 3 го убеди тимот на „transporte mundial“ со својата најниска просечна потрошувачка од сите возила кои до сега беа тестирани.
Шпанското специјализирано списание, на патека за тестирање, исто така го испрати и Volvo FH-500, како и новопретставената Scania S500. Резултатот од трите возења, кои во голема мера беа извршени во слични услови: покажа дека MAN TGX EfficientLine 3 со голема леснотија ги надмина двата конкуренти во поглед на штедењето на гориво (потрошувачка на дизел гориво и AdBlue).
Патеката за тестирање на „transporte mundial“ во должина изнесуваше 912 километри. Патеката се протегаше низ надморски височини кои изнесуваат и над 1.200 метри. На патеката за тестирање, шпанското специјализирано списание го испрати секое возило со околу 40 тони вкупна тежина, вклучувајќи ја и полуприколката. MAN TGX EfficientLine 3 го надмина рекордот на патеката за тестирање за штедење на гориво со 27,9 литри на 100 километри. MAN TGX, исто така достигна и најниска вредност на потрошувачка на AdBlue.
Ригорозниот тест докажа: со Вашите економични модели, Вие сте најмалку за една должина на автомобил пред својата конкуренција.
